[摘要] 1.爱情 白雪公主，几咁纯洁无瑕。但系谂真啲，白雪公主，识得嗰个系王子，灰 姑娘识嗰个又系王子；有个有特殊尝好，钟意锡青蛙嘅女人锡咗只青蛙一啖，只青蛙变出嚟嘅又系王子！
1.爱情
白雪公主，几咁纯洁无瑕。但系谂真啲，白雪公主，识得嗰个系王子，灰 姑娘识嗰个又系王子；有个有特殊尝好，钟意锡青蛙嘅女人锡咗只青蛙一啖，只青蛙变出嚟嘅又系王子！有没人谂过根本个王子系同一个人呢？根本呢个王子都不知几花心，周围沟女。仲无良到扮青蛙去沟添！
2.情窦未开
我第一次恋爱之前，我认为自己就系杨过，而我同书里面个杨过唯一唔同嘅地方，就系佢有只大雕。而我嗰阵，就钟意@@@呢个相思同画眉多啲。同杨过一样，我从来没谂过要考第一。
我只需要爱情，只要搵到我嘅小龙女，我就可以抛弃学业，退隐山林，搬入新界住。但系我一定要住西班牙别墅，我唔住得村屋，我怕蛇虫鼠蚁。然后每个月至多出一次市区，不过我唔会逗留得耐，问亚妈攞完零用钱我就会入番入去。
没错，基本上，我由中一至中五都系喺呢种咁超然嘅思想下度过。嗰阵时学校最流行嘅辩论题目系：“中学生应否谈恋爱？”我认为，我哋应该辩论嘅系“中学生应否读书？”
而喺我第一次恋爱之前，我嘅小龙女只需要一个条件，就系靓，我知我咁样谂好肤浅，但系嗰阵时我仲细，唔知道原来身材都好重要嘎。
3.性
圣人话:“食色性也！”食同色，好唔同！一个人无论几钟意食，会唔会比几十蚊入戏院睇套“蒸气腾腾小龙包”？一个人无论几钟意食，又会唔会为咗望一旧没包住嘅牛肉望到畀车撞？
4.爱情
恋爱唔系PART-TIME，你唔可以话：“爱！做完咪走啰！”恋爱系一盘生意，你要二十四小时谂住佢。自己生意，没所谓PART-TIME正识。人哋放假或者过年过节，你更加要开OT添。行花市啦行海边啦睇戏食饭啦……
你有乜嘢竞争对手呢？我没竞争对手？！你估你系专利巴士公司啊？港巴都执咗啦！有没考虑结婚？咁就要向公众交代，咁就即系上市啦！所以，“中学生应否谈恋爱”唔系问题，问题系“人类应否有两份全职工作？”
你再拍拖，需要知会你老板：“老细，我出面搵咗份恋爱，我真系好需要呢份恋爱，不过公司啲嘢我会照做，我兼顾到嘎。”然后你老板会话：“咁你不如搵多份恋爱，咪直情唔使番呢份工啰！”
5.新鲜
依家啲人沟女，对绦女最大嘅要求系乜啊？唔系靓，最紧要，系够新鲜！
乜嘢叫做够新鲜啊？就系话，沟咗一年嗰个，就唔够沟咗半年嗰个咁正。因为半年嗰个新相识，新鲜啲。同样，沟咗半年嗰个，就唔够三个月咁正。沟咗一个月就唔够半个月嗰个咁正。沟咗一日就唔够半日嗰个正，如此类推，终于……沟咗嗰件，就唔够未沟嗰件咁正！
咁即系点呢？仲沟唔沟好呢？一沟就唔正？！
6.女人伟大
黄：系爱情之中，女人最伟大！
男人嘅牺牲，就为咗追求美丽；而女人嘅牺牲，就只系得到一个麻甩佬！而最伟大嘅系佢哋根本唔觉得系牺牲。
如果你话畀一个女人听，喂，你男朋友有口臭！
张：车，人梗有局部缺点嘅！
黄：佢仲有臭狐同香港脚喎！
张：咁佢咪好平均咯！
黄：佢啲鼻鼾声唔使搅咪啊！
张：我男朋友一定系梦见我，我开心。
黄：佢疴尿乱咁啡！
张：好壮啊！
黄：佢啡完唔洗手！
张：边有男人洗手嘎！
黄：我有！
张：乸型！
黄：佢仲讲粗口啊！
张：但系佢心地好！
黄：佢系电梯度食烟喎！
张：公众场合都唔畀食咯，佢咪呢埋一边食啰，你哋仲想点啊！你系咪想 逼死佢？！系咪想逼死佢？！呜～～～
7.责任何在
如果你话我听，因为我唔靓仔，所以唔可以做戏，你唔应该话我听！因为唔关我事，我唔应该负呢个责任，你应该同我父母讲，系佢哋搞成我咁嘅。如果你要罚，应该罚佢哋。以后，边个丑样，就罚佢爸爸妈妈唔准做戏！或者剩系做茄呢啡！
我唔系一个唔负责任嘅人，为我爸爸妈妈嗰短短一刹嘅快感，我已经负责负咗廿几年。你估做我好易做啊？
我细个读书唔好，或者唔合格，我没要父母负责。我自己签晒啲成绩表嘅。
每当我爸爸妈妈有争执闹交嘅时候，我有没叫佢哋为咗我嘅童年着想，忍下对方？没！我叫佢哋出街闹！
我大个咗，唔知应该信边个宗教，唔知做人为乜，唔知人生事业嘅方向都没要求父母照顾我。
反而系我调番转头，提醒佢哋：你哋要搵钱啊，积谷防饥啊，唔系第日老来无依无靠啊！
乜嘢都系我！
8.男仔唔驶靓仔
靓仔系唔系真系咁重要啊？有啲人话男人唔驶靓仔嘅，有才华咪得啰。
系，你有没试过带你嘅才华去落disco识女仔啊？人哋啲靓仔一行入去，唔使二十分钟，就已经同啲女仔互相问问题：“你度定我度？”
我带住我嘅才华入到去，几艰难先搵到个女仔肯畀个机会我。唔系畀机会我交换问题，而系畀机会我天才表演。
唱歌跳舞做话剧讲大话功夫表演，成套欢乐今宵一个人做一次……
9.演戏天份
我从小就知道，我系一个伟大嘅演员。
人哋细个成班细路群埋，钟意玩扮结婚，扮爸爸妈妈。我细个，就钟意扮奸夫淫妇。
但系唔知系咪我个样比较老实，我系从来都没机会扮奸夫。每次我都系扮淫妇……嘅老公。
虽然系咁，虽然，我亦都系成班人之中最细嗰个。但系我已经可以将一个妒忌嘅男人心态表现得淋漓尽至。
当然，我啲朋友个个都赞我，话我天生出嚟，就系戴绿帽嘅。
10.死亡
细个嗰阵，我系唔怕死嘅。
我觉得，系以前啲人先会死嘅。系历史书里面嘅人至会死。好多人唔明历史有乜用，历史咪话你听边啲人死咗啰。
我从来未睇过一本历史书有提到黄子华呢个名，我点会死啊。最紧要系，就算死都唔系乜嘢一回事。
细个嗰阵隔离陈师奶成日叫佢老公：“咁多人去死你仲唔去死？”
然后去完番嚟,阿陈师奶又会话：“死番嚟啦，唔死多阵添？”
所以我一路都认为，去死，即系去街，同埋一定唔会去好远。因为阿陈生每次都好快就返嚟嘅。
11.赌马
喂，赌马系需要付出好多嘎。
朝早要睇晨操夜晚要睇董骠，又要同朋友交换读书报告。
你估我哋睇得书少？市面几多马经啊？
仲唔系话你睇得多就得嘎喎！
香港啲马经，一埸十只马，十只马都有人贴，你自己思想唔够独立，咁你就死梗啦：唔该，呢场每只帮我落100蚊啊！希望中啦！
夏天嚟啦，抖暑啦，你估系畀啲马休息咩？系畀我哋休息啊！
12.泳池
黄：去公众泳池嗰啲唔系叫做游水，嗰啲叫做浸水。因为喺公众泳池游，只可以用一种泳式，就系弹式，同一个位，弹下弹下。
张：如果系高手可以用式，但系要潜落水底嗰度用。
黄：点解香港啲泳池咁鬼逼嘅呢？
张：唔好问啊，趁人多你好快啲浸下。等阵所有人上晒水嗰阵，你就会发 觉，个池啲水原来到膝头哥嘎咋！你去浸脚指啦，下次。
黄：其实我哋香港人都习惯咗人多，去浸下水都好。但系可惜嘅系，呢啲 水，唔系一般水，呢啲系暖水！你成日喺泳池度，你会发觉有啲人，全 身唔喐，眼碌碌。
张：哦！你喺泳池疴尿，咁没公德心！由细到大我老豆都教我嘎啦,急
尿，去隔离池啊嘛！
黄：所以我喺度，趁呢个机会，同你啲儬仔讲啊！
游游下小童池就走过嚟大人池，擒喺个池边，唔好话我听系学游啊！
张：特别系擒正喺喷水口嗰啲啊！想毁尸灭迹啊！
13.闹人
以前我哋笑人，会话：“你有得发达？太阳由西边出嚟啊！”
依家我哋就会话：“你有得发达？建筑面积等於实用面积啊！”
又或者话人丑，现在我哋都会技巧好多：“你唔丑，你点算丑啊，你系块面唔多实用咁解嘛。你嘅鼻台太大，啲眼耳口鼻咪唔见使啰。”
14.隆胸
叶子微简直为演艺界创下新标准。
以后啲女仔想做明星，又唔使睇样，又唔使睇演技，去磅啦！！！（加强语气）得，入去磅一磅就得啦。
“开黎，六斤半，片酬系六千五蚊一日，小姐做唔做？”“开黎，八斤有疤痕，八千减一千疤痕费，即系7千蚊一日。”
你话几客观呢！
15.放假
黄：一般人都会好珍惜每年一度嘅年假！
张：今年我要去夏威夷游下水。
黄：如果你决定去夏威夷，你就要预咗付出沉重代价！前四后六！
张：我讲紧系年假，唔系产假啊，子华！（真系啊……）
黄：前四后六嘅意思系，喺你放假之前嗰四个礼拜，同你放假之后六个礼拜，都要做到仆街！（死未）因为无论你放几耐假，你嘅嘢始终系你做番。
张：系你嘅始终系你嘅！
黄：唔单止，放完假，唔系你嘅都会变成系你嘅！
16.金捞
点解要带金捞？
唔带捞，有乜资格同人讲，时间系宝贵？我嘅时间点值钱呀？（你话系唔系先）
嗱，支时针围住行一个圈，12个钟，十几皮嘢，即系为皮几嘢一个钟。
你一个钟值几钱啊？
几旧水？我点同你一齐食饭啊，大家时间观念咁唔同！
唔单止咁，你带捞，表示你个人有幽默感。
劳力士，有边个靠劳力搵食嘅人带得起劳力士啊？
越带劳力士嘅人就越表示佢唔使用劳力！
呢啲，就叫做幽默感啦。
17.老豆
我一向以为老豆，系option嚟嘅，附加嘎咋。
无错，大部份人系有老豆嘅，就正等於大部份嘅车系有收音机一样。
但系嗰样系option嚟咋嘛，唔系架架车都有。
所以我细个嗰阵好憎啲儬仔成日喺我面前话：“我老豆点点点……”
我觉得嗰啲人好晒命，就好似你有部车，不停咁同人讲：“我部车开蓬嘎，大包围嘎！”
你不如话：“你老豆开蓬嘎，用无铅汽油嘎……”
18.儿童教育
我一向都认为，我哋成日呃啲细路仔，懒系nice咁对佢哋，讲到呢个世界乜嘢都好好咁，咁系唔啱嘅。（何解？）
细个我同妈妈搭飞机，睇见厕所嘅水系蓝色，我未见过，咪走去问妈妈嗰啲系乜？妈妈话：“系天空。”所以我就成为世界上第一个食过天空嘅人。
细个啲大人成日讲童话讲白雪公主。（你都听过啦）佢哋讲嘅就系白雪公主又靓又好人，好值得去追求。
但系冇讲到我哋唔系白马王子！边个人至系白马王子啊？起码有只白马啦。咁就即系马主啦，你话系唔系啊？
讲啲唔讲啲好危险嘎。即系等如你同个细路仔讲：“小明啊，飞出窗口好过瘾嘅，成个香港望晒嘎，浮下浮下……”但系唔同佢讲：“不过你落到地下个 阵，会快过搭电梯好多！”
19.用家炒家
好多人结婚，最初就以为自己系婚姻嘅用家。
后来先发觉自己系感情嘅炒家，於是想离婚。
但系离婚又要搅几年，睇住周街都系新盘靓盘，自己个盘又放唔出，几难受！
20．猪扒
如果你系一件猪扒，咁你基本上系唔使减肥啰～
一件猪扒，减咗肥，就系一件瘦扒，一件瘦扒就系比猪扒更唔开胃嘅扒，系咪？
你买叉都唔要嗰啲啦。
21.失业
你都唔知点同你阿妈解释
以前失业系因为你比老板炒，而家失业是因为你老板比人炒。
22.智慧
我个人认为我本人是智慧型的。
你不信啊？咁我就说D你仲意的。
23.生命
生命是什么？我认为生命是一个吃自助餐的过程，好多的菜，好多的选择，自杀的人是一个吃屎的过程。
24.伟大发现
我一向觉得,人类既历史上最伟大既三大发现分别系:
第一,牛顿发现地心吸力.
第二,爱恩思坦发现相对论.
第三,就系唔知边本杂志发现自慰对人体无害.
25.三个字
我当时问我妈妈:中国要收返香港喇,系咪真嘎?
我妈妈讲佐三个字,呢三个字我呢世人都记得,系我呢世人听过最潇洒既三个字.
"妈妈,大陆要收返香港喇,系咪嘎?"
我妈妈话:"系咩?......碰!"
26.鬼佬—1
鬼佬又唔会一边睇戏一边讲野!
你睇吓D香港人去睇戏,银幕上D人讲几多,银幕下就讲几多.
你唔知仲以为距地系度配紧音. 重要系讲D最隐秘既家事,你大佬点样谋你, 你奶奶最锡阿二嫂...
我点能够同时处理甘多剧情o者?
鬼佬就唔同,鬼佬唔讲野既,就算讲,人地系用英文讲!
英文系伟大嘎嘛!英文系伟大到,基本上,你识得英文,就代表你有知识.
你见好多阿妈都系甘噶:阿仔,你识英文,你帮我睇吓个会计呢条数点计出来既?阿仔,你识英文,听吓个摩罗差讲紧乜啊?唉,算喇,你剩系识英文,甘帮我整返部洗衣机啦!
27.鬼佬—2
D鬼佬地方真系好,系距地住个区,你唔驶惊行行下会有人盘你: 你边度嘎?你第几座啊?
至多咪同你讲声:一兜白能希里（you don"t belong here!)
D鬼佬又靓,个个都白白净净,乌糟个个都白既!个个D鼻又高,鬼甘好鼻运.
而最紧要,D鬼佬有公德心,鬼佬唔会乱抛垃圾既!就算有人真系有扔过垃圾,个D垃圾系来路货,点算系垃圾?
鬼佬又唔会当街打仔!我系我住个头,都唔知见几多细路,临番屋企门口都要提一提距阿妈:“阿妈,今日系条街度你未打过我喔!”
“啊,系咩?出番来,死仔,你仲喊吓嘛?”
“阿妈,我无喊喔!”
“唔喊系嘛?硬颈系嘛?”
28.恋爱是打拳
如果恋爱是打拳,我由10岁果年开始.
每年平均打一场,打到现今,咩野型量级、羽量级、重量级、沉量级.可以打既我都打晒~~~
我既战绩是9场全败、2场被击倒、1场输点数、1场被取消资格.
我唔可以天长地久,如果曾经拥有一次等于有一只表.我D表带到上格LUCK底啦.
29.诅咒
我系唔相信诅咒可以杀死人，除非你面对面同佢讲三日三夜“你仲唔死……你仲唔死……你仲唔死……”
30.失恋
失恋系会令人成长o既。
我失恋之前，一向都觉得世界上所有问题都有答案。
点解我地每日都要8点钟起身返工呀？
因为够钟o罗！
点解我地有够钟呢样o野呀？
因为我地唔用浮动上班时间o罗。
因为我地有武器罗。
o甘点解我地要有武器呀？
因为佢地有武器o罗。
一切都有答案,直到我失恋。
阿珍，点解你唔爱我？
阿珍比o左一个经典既答覆我，佢话：
爱情系有点解o架？系唔可以解释o架，唔好问啦。(记紧这句啦)
如果番学阿sir问我o野都可以o甘答就好o勒！
阿SIR：物体燃烧点解需要氧气呀？
阿sir，系冇点解o架，系唔可以解释o架，唔好问我啦！
31.猫
我非常欣赏邓小平o既「黑猫白猫,捉到老鼠就是好猫。」
我老友阿雄个老婆生仔，生左个黑人出o黎，我都系o甘对佢讲：
「黑仔，白仔，快高长大就系你个仔啦！」
网友评论